Taoreed Lagbaja

Taoreed Abodun Lagbaja (28 February 1968 - 5 November 2024) na Naija Liuterant general wey don sarf as Chief of Army Staff of Nigeria fom June 2023 rish November 2024. Na im President Bola Tinubu tek chenj Faruk Yahaya, wey bi forma Naija Liuterant general.

How e stat life

Na for Ilobu wey dey Irepodun, wey bi Osun Stet nau dem bon Lagbaja on 28 February 1968. E uze plenti years for Osogbo wia e go St Charles Grammar School an Lokal Authority Teachers College.

How e tek wok

E enta Nigeria Defens Akademi in 1987 as memba of di 39th Regular kors. Dem kommision am as sekond Liuterant on 19 September 1992 insaid di Naija Infantry Corps. Insaid 1992 an 1995, na Lagbaja bi di platoon kommander of 72 speshial Forces Battalion. In 2001, Lagbaja get Bachelor digre in Geography fom di Nigerian Defence Academy. E stodi strategic Studies for US Army War College for master level.