Seyi Vibez

Seyi Vibez

pesin

Man abi wuman	man
Kontri wey e kom from	Naija
Wen dem bon am	12 July 2000
Ples wey dem bon am	Lagos State
Wok wey e dey du	musician
Wen e stat wok	2019

Balogun Afolabi Oluwaloseyi (dem bon am for 12 July 2000) wey pipul sabi wel wel as Seyi Vibez na Naija singa an song raita. Pipul sabi Seyi Vibez afta e rilis di muzik "Chance (Na Ham)" from di sekod muzik habom wey e nem "Billion Dollar Baby". Billion Dollar Baby habom rish nomba 19 on di UK Afrobit Singu an e rish nomba 7 on di Turn Table Top 100 chart

How e tek stat life

Na for Ketu wey de Legos Stet dey bon Seyi Vibez on 12 July 2000. Seyi Vibez kom komot from Ketu go Ikorudu an na from Ikorodu e tek gro up. Do fest muzik singu wey e fest sing na "Anybody". Na di muzik "Godsent" mek pipo start to no am smol smol. For di sem year wey e rilis Godsent e rilis e fest habom kol "Nl Seyi No Vibez (NSNV). For 2022, Seyi Vibez rilis e sekod habom "Billion Dollar Baby" an e still rilis e Mixtape "Billion Dollar Baby 2.0". "Billion Dollar Baby habom rish nomba 1 on di Turntable 50 albums chart. MoreBranches put Seyi Vibez as one of di sistin (16) Afrika muzishian wey for do wel in 2022.

Seyi Vibez rilis e nomba 5 habom kol "Memory Card" an singa wey folo am sing for di habom bi: Amerika rappa YXNG K.A. Di fest week wey Seyi Vibez rilis di habom, na ova 6.3 million lisin to di habom from intanet an e dominet di "Turntable top 10 chart an Pan African Music nem di habom as one of ten best habom of January 2023.

Zlatan wok with Seyi Vibez to rilis Let There Be Light song on February 2, 2023. Di muzik rish nomba 14 on "Apple Music top 100 Nigeria chart". OkayAfrica nem "Alaska", one of di singu from Seyi Vibez as one of di best muzik to kom from Naija

As e mama kpai

For March 16, Seyi Vibez mama kpai. Seyi Vibez no tok wetin kil am but e tok sey e mama death pain am no be smol.

E fight wit Zinoleesky

Zinoleesky an Seyi Vibez no be frend at all. Di two singa dey tok enihow to demsef on soshal midia. Di fight start wen Zinoleesky advais Seyi Vibez sey mek e go bak to di way e dey sing bifor an some advais on how Seyi Vibez muzik fit beta wel wel.

Wetin Zinoleesky tok song no swit Seyi Vibez an e advais am mek e fest wok hard to get niu house bifor tokin to am.