Ngozi Nwosu

Ngozi Nwosu(dey bon am for August 1, 1963)) na Naijá Aktres an podusa wey don dey akt tey-tey. Shi fest stat dey akt for Yoruba langwej fim bifor e kom akt im fest Igbo langwej fim for di home-vidio fim wey dem kol Living in Bondage. Na dis fim stat di cinima for Naijá

How E Tek Stat Life

Dey bon Ngozi on August 1, 1963 for Arochukwu for Abia Stet, Naijá.Im papa na koret Biafran solja wey dem kil for dat time wey Naijá Civil war hapun. Na Legos shi gro an shi sabi spik Igbo, Yoruba and English langwej. Ngozi du ha primari skul for St. Paul Anglican School, Idi Oro, den shi kom do ha sekondi skull for Maryland Comprehensive High School, Ikeja an e finish am for East Rosary High School. Ngozi go trainin for pipul wey wan akt fim for di Royal Theatre Art Club School an na Reverend Fabian Oko lid di trainin. For 2012, E sick wel wel an di sikness mek am no fit du fim dat time. Doktor tok sey ha sikness luk like kidney disease. Gofment an som organisashions kom kárí ha go abroad for beta treatment.

How Shi Tek Wok

She fest stat ha acting wok wen she stll dey len for skul, an na Yoruba fim shi fest dey akt. Na shi pla "Madam V boot" for di sison fim Ripples. Wen dem dey act Living in Bondage, Ngozi bi di fest aktres wey dem tok sey mek e kiss pesin for fim, an di pesin wey shi kiss na Kenneth Okonkwo. Na shi stil pla "Peace" for "Fuji House of commotion". For dat fim na shi bi di sekond wife of Chief T.A Fuji wey e laik wel wel. For 2018, shi pla "Ene" for "Sade". For dat fim, shi bi pesin wey no yuz wetin e get ontil e loos am.Ngozi bi di podusa of Evil Pssion, Stainless an one sho for radio way dey bi kol Shi stil put mouth for "female sexual harassment" mata. Ngozi tok sey for di muvie indostri, wetin dey vex am pass na wen aktres dey du bak for ground bifor dey go get pat for dia bodi producer. She com stil tok say actress get rait to tok no to anytin wey dem no like.Ngozi Nwosu stil dey Chidinma Ekile and Fair Prince muzik vidio.