Gani Adams
| Man abi wuman | man  |
|---|---|
| Kontri wey e kom from | Naija |
| Fest nem | Abiodun |
| Famili nem | Adams |
| Wen dem bon am | 30 April 1970 |
| Langwej wey e fit tok, rait abi yuz hand tok | Yoruba Langwej |
| Wok wey e dey du | politician, social activist |
| Wie e go skul | Lagos State University |
| Wen e stat wok | 1992 |
| Organization directed by the office or position | Oodua Peoples Congress |
Cheif Ganiyu Adams wey plenti pipu sabi as Gani Adams ( dem bon am on 30 April 1970), na Naija aktivist, politishan, pesin wey lik tradishonal tins an 15th Aare Ona kakanfo of Yorubaland.
Hau e tek stat life
chenj-amGani Adams dem bon am on April 30, 1970, for Arigidi-Akoko, wey dem sabi nau as Akoko north-west lokal govmet aria of Ondo Stet.
Edukashon
chenj-amGani Adams stat skul for Army children's school in Otukpo, Benue State. Di kain wok wey im papa dey du mek dem kari am kom Legos, wia e kon go Municipal Primary School wey dey Surulere aria of Legos Stet in 1980. Afta im primari edukashon e kon go Ansar-Ud-deen Secondary School wey dey Randle Avenue, Surulere. Afta e finish sekondri edukashon, e go len furniture wok, wey e finish in 1987.
Hau e tek wok
chenj-amAdams tink abaut wetin go giv am moni to buy hol di tins e want. E wok for Stabilinin Vissioni Limited, Italian kompini wey dey Apapa, Lagos. E wok for di kompini as pesin wey dey mek insaid tins fain. E leta stop di wok to go stat im own, wey e kol am "Gadson Interior".
Gani Adams don dey faight for pipu raight sins e dey smol. In 1992, e dey insaid pipu wey no wan mek military dey for pawa, e wan mek evribodi dey vote an dey put hand insaid hau di kontri dey selet leader.
Bikos as e tek dey faight for pipu, dem mek am Public Relations Officer of Mushin local government chapter of Civil Liberties Organization(CLO) in 1993; one grup wey dey faight for pipu raight in Nigeria. Na im stil dey insaid pipu wey stat Oodua Youth Movement (OYM) an statin member of the Oodua Peoples' Congress in 1994. Na im bi di fest Nashonal Deputy Coordinator an di niu Kordinato of Oodua Peoples Congress. Gani na bifor bifor leader of one pat of di Oodua People's Congress, one parti wey dey faight for Yoruba pipu.
On 14 October, 2017, dem giv am15th Aare Ona kakanfo of Yorubaland by oba Adeyemi III, di Aaafjn of Oyo. Pesin wey get di title bifor am na Chief Moshood Abiola bifor e kpai in 1998.