Agodi Gardens

For inside the city of Ibadan wey bi Mokola Hill, you go see Agodi Gardens. Originally, this gardens start in 1967 and na di western region dey manage am dat time. Di name of di garden bifore na Agodi Zoological and Botanical Gardens and na really high class recreational center e be As case come bi, di Ogunpa flood disaster wey happen in 1980 for Ibadan really scatter di Garden and sweep away plenty animals for the place but thankfully in 2012, di government come decide to repair it and come re open the the place as the New Agodi Gardens. Agodi gardens get better better features wey make the place dey nice, di correct features na di following; water park, children's play area, rides, picnic spots, restaurant, a lake and small zoo. Na correct and beautiful colours wey good for photo like before wedding pictures,( pre wedding shoots), picnics, garden party, outdoor events, concerts plus include weddings. Agodi gardens na very beautiful place u go always like to visit.

Location

Agodi Gardens dey for Parliament road Ibadan, Oyo state. Na about ten minutes from di University College Hospital (UCH) Ibadan, wey come make am dey easy to find. Google maps and asking di local people around sef join to make am easy to find.

Entrance fee

Dis one na money wey you go pay before dem go allow you enter di place. Dis money or fee na 500 naira per person and another 500 naira if you want to use di swimming pool.

Refreshments

Di Agodi Gardens get a restaurant with plenty shops wey dey sell refreshments. Drinks from outside nor dey allowed into di park but food from outside dey allowed. Dem get local shop wey dey sell palm wine, pepper soup,Asun and other local food dem.

Attractions

According to di tory, di garden get plenty side attractions wey come make am one of di reason why Agodi dey the list of tourist attractions for the country.

Water parks

Dis one na one of di ogbonge features wey Agodi gardens get. Na two water sides and three pools wey dey cater for children plus include adults dey there.

Lake

Agodi get a nice lake where visitors dey take a boat ride and enjoy other views around di garden.

Mini (small) zoo

Di mini zoo get lion, crocodile, monkey and duck. On top di entrance of di zoo dem write say di work still dey go on, so di number and di type of animals there dey excused.

Play area and rides for children

Children get plenty things to keep dem busy,so na perfect place to take children go for family outing and jolyment. Dem get swings, trampolines, a bouncy castle and plenty oda things wey children dey take jolly.

Picnic and gardens area

Everywhere for inside Agodi dey green and perfect for picnics, but them get some special picnic areas and this one naim bi one of di best thing about di place, you go fit spread your mat, bring out your food and play games or even relax alone. Recreational and relaxation spots na one importanta thing wey dey lack for Nigeria, therefore di Gardens don cover this gap wey dey lack.

Generally, Agodi Gardens na correct place to relax from all di noise and the hustling but e still get plenty work to bring am to the level of international standard so that e go dey kajiard for ideal destination. Di visit to di Gardens wey never tey, dem show their plan to turn am into a very big resort wey go get hotel chalets, spas, a canopy waka plus include event center and other things with di addition of all dis ogbonge facilities , Agodi Gardens go surely become a correct choice for holidays for Nigeria people and visitors from yonder in years wey go come.

Reference: Travel and Places. Review of Agodi Gardens by Chiamaka Obuekwe. 28 June 2017. Translated by Okochi Bosede (Iyawo Nna). 26 February 2022.