Abba Musa Rimi
| Man abi wuman | man  |
|---|---|
| Kontri wey e kom from | Naija |
| Nem for lokal langwej | Abba Musa Rimi |
| Fest nem | Abba |
| Wen dem bon am | 28 February 1940 |
| Ples wey dem bon am | Rimi |
| Fest langwej | Hausa langwej |
| Langwej wey e fit tok, rait abi yuz hand tok | English langwej, Hausa langwej, Naijá langwej |
| Langwej wey e tek rait di wok | English langwej |
| Wok wey e dey du | politician |
| Post wey e dey | Governor of Kaduna State |
| E pipul | Hausa pipul |
Abba Musa Rimi, CON (dem bon am for 28 February 1940) na one man fom Naija wey pipul chuz mek e bi di pesin wey go rul dem for Kaduna Stet for 1979 wen Naija dey for dia Sekond Ripoblik, dis wan kon mek Rimi bi di pesin wey go dey du laik gofnor for dat taim wey dem komot Gofnor Abdulkadir Balarabe Musa as di gofnor for June 23, 1981. Na wen im de insaid di pati for politis wey dem dey kol People's Redemption Party na im dem tek chuz am as di gofnor of Kaduna Stet.
Pope John Paul II kom Kaduna for February 1982. Bot som pipul wey dey rul di muslim pipul dat taim no gri kom grit am. Wen di Pope stil dey di airport bifo im kom enta plen go bak to Lagos, e rid one tin wey dem rait to Rimi an oda pipu wey dey wok for govament sey mek evribodi dey join bodi to do tins togeda, weda you bi muslim or kristen. For August 1982, Rimi yuz gra-gra tok to di Jama'atul Nasril Islam (JNI) sey mek dem si as dem go fit stop di fight-fight wey dey amog di smol smol muslim grup wey dem nem na Izala an Darika Muslim grup. For March 27 1982, dat taim, Rimi kom stat di IBBI Naija wey stil dey try wel wel to dey du drink for North side for Naija.
Afta General Muhammadu Buhari yuz gra-gra bigin rul Naija for December 31 1983, E arest som of di pipul wey dey rul difren difren Stet for Naija. For March 28 1985, dem send Rimi go 21 years for insaid prisin. Dem sey im kari N500,000 dash 96 pipul for di Stet House of Assembly wey dey wok for ples wey dem dey join bodi rait evritin wey pipul sopos du an di one wey dem no sopos do. Rimi sey im giv dem di moni bikos dem "folo do evritin wey dem sopos du for dia difren difren aria.
Rimi wok as pesin we dey hep big big kompini laik UAC, NTC an G.B. OLLIVANT sel dia maket. Afta, e kom bi di oga kpata-kpata for African Circle Pollution Management.Rimi kom stil folo bi pat of di pipul wey get Commander Order of the Niger (CON). Na one wife im mari an dem don bon 7 pikin.
For October 1998, Rimi kom bi di pesin wey dey advais one soja-man wey bi dey rul Naija wey im nem na Abdulsalam Abubakar for di taim wey we chenj go di kind govament wey bi sey wu no bi ami fit rul Naija for di Nigerian Fourth Republic.